(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 223

॥ శ్రీః ॥
1.223. అధ్యాయః 223
Mahabharata - Adi Parva - Chapter Topics
పాండవాః సంవిభాజ్యా ఇతి ద్రోణవచనం॥ 1 ॥
తద్విరోధితయా కర్ణేన అంబువీచవృత్తాంతకథనం॥ 2 ॥
మదుక్తం న క్రియతే చేత్కురవో వినంక్ష్యంతీతి ద్రోణేనోక్తిః॥ 3 ॥
Mahabharata - Adi Parva - Chapter Text

ద్రోణ ఉవాచ। 1-223-0x(1224)(9676)
మంత్రాయ సముపానీతైర్ధృతరాష్ట్ర హితైర్నృప।
ధర్ంయమర్థ్యం యశస్యం చ వాచ్యమిత్యనుశుశ్రుమ॥ 1-223-1(9677)
మమాప్యేషా మతిస్తాత యా భీష్మస్య మహాత్మనః।
సంవిభజ్యాస్తు కౌంతేయా ధర్మ ఏష సనాతనః॥ 1-223-2(9678)
ప్రేష్యతాం ద్రుపదాయాశు నఱః కశ్చిత్ప్రియంవదః।
బహులం రత్నమాదాయ తేషామర్థాయ భారత॥ 1-223-3(9679)
మిథః కృత్యం చ తస్మై స ఆదాయ వసు గచ్ఛతు।
వృద్ధిం చ పరమాం బ్రూయాత్తత్సంయోగోద్భవాం తథా॥ 1-223-4(9680)
సంప్రీయమాణం త్వాం బ్రూయాద్రాజందుర్యోధనం తథా।
అసకృద్ద్రుపదే చైవ ధృష్టద్యుంనే చ భారత॥ 1-223-5(9681)
ఉచితత్వం ప్రియత్వం చ యోగస్యాపి చ వర్ణయేత్।
పునఃపునశ్చ కౌన్యేయాన్మాద్రీపుత్రౌ చ సాంత్వయన్॥ 1-223-6(9682)
హిరణ్మయాని శుభ్రాణి బహూన్యాభరణాని చ।
వచనాత్తవ రాజేంద్ర ద్రౌపద్యాః సంప్రయచ్ఛతు॥ 1-223-7(9683)
తథా ద్రుపదపుత్రాణాం సర్వేషాం భరతర్షభ।
పాండవానాం చ సర్వేషాం కుంత్యా యుక్తాని యాని చ॥ 1-223-8(9684)
`దత్త్వా తాని మహార్హాణి పాండవాన్సంప్రహర్షయ।'
ఏవం సాంత్వసమాయుక్తం ద్రుపదం పాండవైః సహ।
ఉక్త్వా సోఽనంతరం బ్రూయాత్తేషామాగమనం ప్రతి॥ 1-223-9(9685)
అనుజ్ఞాతేషు వీరేషు బలం గచ్ఛతు శోభనం।
దుఃశాసనో వికర్ణశ్చాప్యానేతుం పాండవానిహ॥ 1-223-10(9686)
తతస్తే పాండవాః శ్రేష్ఠాః పూజ్యమానాః సదా త్వయా।
ప్రకృతీనామనుమతే పదే స్థాస్యంతి పైతృకే॥ 1-223-11(9687)
ఏతత్తవ మహారాజ తేషు పుత్రేషు చైవ హి।
వృత్తమౌపయికం మన్యే భీష్మేణ సహ భారత॥ 1-223-12(9688)
కర్ణ ఉవాచ। 1-223-13x(1225)
యోజితావర్థమానాభ్యాం సర్వకార్యేష్వనంతరౌ।
న మంత్రయేతాం త్వచ్ఛ్రేయః కిమద్భుతతరం తతః॥ 1-223-13(9689)
దుష్టేన మనసా యో వై ప్రచ్ఛన్నేనాంతరాత్మనా।
బ్రూయాన్ని)శ్రేయసం నామ కథం కుర్యాత్సతాం మతం॥ 1-223-14(9690)
న మిత్రాణ్యర్థకృచ్ఛ్రేషు శ్రేయసే చేతరాయ వా।
విధిపూర్వం హి సర్వస్య దుఃఖం వా యది వా సుఖం॥ 1-223-15(9691)
కృతప్రజ్ఞోఽకృతప్రజ్ఞో బాలో వృద్ధశ్చ మానవః।
ససహాయోఽసహాయశ్చ సర్వం సర్వత్ర విందతి॥ 1-223-16(9692)
శ్రూయతే హి పురా కశ్చిదంబువీచ ఇతీశ్వరః।
ఆసీద్రాజగృహే రాజా మాగధానాం మహీక్షితాం॥ 1-223-17(9693)
స హీనః కరణైః సర్వైరుచ్ఛ్వాసపరమో నృపః।
అమాత్యసంస్థః సర్వేషు కార్యేష్వేవాభవత్తదా॥ 1-223-18(9694)
తస్యామాత్యో మహాకర్ణిర్బభూవైకేశ్వరస్తదా।
స లబ్ధబలమాత్మానం మన్యమానోఽవమన్యతే॥ 1-223-19(9695)
స రాజ్ఞ ఉపభోగ్యాని స్త్రియో రత్నధనాని చ।
ఆదదే సర్వశో మూఢ ఐశ్వర్యం చ స్వయం తదా॥ 1-223-20(9696)
తదాదాయ చ లుబ్ధస్య లోభాల్లోభోఽభ్యవర్ధత।
తథాహి సర్వమాదాయ రాజ్యమస్య జిహీర్షతి॥ 1-223-21(9697)
హీనస్య కరణైః సర్వైరచ్ఛ్వాసపరమస్య చ।
యతమానోఽపి తద్రాజ్యం న శశాకేతి నః శ్రుతం॥ 1-223-22(9698)
కిమన్యద్విహితా నూనం తస్య సా పురుషేంద్రతా।
యది తే విహితం రాజ్యం భవిష్యతి విశాంపతే॥ 1-223-23(9699)
మిషతః సర్వలోకస్య స్థాస్యతే త్వయి తద్ధువం।
అతోఽన్యథా చేద్విహితం యతమానో న లప్స్యసే॥ 1-223-24(9700)
ఏవం విద్వన్నుపాదత్స్వ మంత్రిణాం సాధ్వసాధుతాం।
దుష్టానాం చైవ బోద్ధవ్యమదుష్టానాం చ భాషితం॥ 1-223-25(9701)
ద్రోణ ఉవాచ। 1-223-26x(1226)
విద్మ తే భావదోషేణ యదర్థమిదముచ్యతే।
దుష్ట పాండవహేతోస్త్వం దోషమాఖ్యాపయస్యుత॥ 1-223-26(9702)
హితం తు పరమం కర్ణ బ్రవీమి కులవర్ధనం।
అథ త్వం మన్యసే దుష్టం బ్హూహి యత్పరమం హితం॥ 1-223-27(9703)
అతోఽన్యథా చేత్క్రియతే యద్బ్రవీమి పరం హితం।
కురవో వై వినంక్ష్యంతి నచిరేణైవ మే మతిః॥ ॥ 1-223-28(9704)

ఇతి శ్రీమన్మహాభారతే ఆదిపర్వణి విదురాగమనరాజ్యలాభపర్వణి త్రయోవింశత్యధికద్విశతతమోఽధ్యాయః॥ 223 ॥

Mahabharata - Adi Parva - Chapter Footnotes
1-223-4 మిథః కృత్యం సాంబంధికం వరపక్షీయైర్వధ్వలంకారాదికన్యాపక్షీయైర్వరాలంకారాది॥ 1-223-15 విధిపూర్వం అధృష్టకారణకం॥ 1-223-17 అంబువీర ఇతి శ్రుతః ఇతి ఘ. పాఠః। వినింద ఇతి వితశ్రుః ఇతి ఙ పాఠః। ఈశ్వరః సమర్థః। రాజగృహే తన్నామకే నగరే॥ త్రయోవింశత్యధికద్విశతతమోఽధ్యాయః॥ 223 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.